Kommunustýrisfundur  30.09.2024
 
Møtt: Artur Johansen, Jóannes E. Markná, Steingrím Jacobsen, Rógvi R. Djurhuus, Hans Anders Jacobsen,
Súni F. Olsen og Andras Róin
 
Umframt: Julia Kass
Skrivari: Anna E. Joensen
Klokkan: 17:00-18:45

Mál nr.: 211-1-2024, eykajáttanir 2024
Reist av: Sjóvar kommunu
Málslýsing: Eykajáttanir 2024
Avgerð: Framløgd og samtykt við fyrstu viðgerð. Onnur viðgerð verður 28. oktober.

Eykajáttanir 2024. Mála skúlan 250 tkr. á RS-413. Klæða skúlan 900 tkr. á RS-413. Liðugtgerð av spæliplássi við skúlan 300 tkr. á RS-413. Keyp av jørð 70 tkr. á RS-635. Ungdómshús flyta játtan frá 2023 200 tkr. á RS-370. Systkinaavsláttur 80 tkr. á RS-390. Keyp av krana til lastbil 90 tkr. á RS-691. Keyp av Crombook teldum 150 tkr. á RS-412.

Íalt 2.040 tkr. Fíggjast við regulering av RS-581.

Mál nr.: 211-2-2024, fíggjarætlan 2025
Reist av: Sjóvar kommunu
Málslýsing: Fíggjarætlan 2025
Avgerð: Framløgd. Fyrsta viðgerð verður 28. oktober. 

Julia fór av fundinum kl. 17:30

Mál nr.: 104-4-2024, umsókn um at víkja frá §4 í skeytinum
Reist av: Marnar Poulsen
Málslýsing: Søkt verður um loyvi til at selja helvtina av grundstykkinum, matr. nr. 379i, sjálvt um hús ikki eru bygd á stykkið enn.
Avgerð: Samtykt at víkja frá §4 í skeytinum og játta eigaranum at selja helvtina av matr. nr. 379i.

Steingrím fór av fundinum kl. 18:05

Mál nr.: 547-1-2021, vinnuøki Innan Glyvur
Reist av: Sjóvar kommunu
Málslýsing: Vinnuøki Innan Glyvur
Avgerð: Samtykt at:

·        Fermeturkostnaðurin verður kr. 200

·        Økini verða seld

·        Kostnaðarmeting verður gjørd av vegaføringini

·        Vinnu- og umhvørvisnevndin ger uppskot til byggisamtykt í C-øki

·        Vinnu- og umhvørvisnevndin ger tilmæli til kommunustýrið í samband við sølu av økjum.

·        Økini verða flokkað frá 1-4 við hesum atkvøðum: Fimm fyri, Artur, Jóannes, Hans Anders, Andras og Súni. Rógvi atkvøddi ímóti, við tí grundgeving, at hann ynskir, at flokkur 4 heldur skal vera á Hulki.

Artur bað um at fáa mál nr. 541-2-2024 við á skránna. Einmælt samtykt.

Mál nr.: 541-2-2024, broyting í byggisamtykt á Hulki
Reist av: Broyting í byggisamtykt á Hulki
Málslýsing: Broyting í byggisamtykt øki D á Hulki 
Avgerð: Kommunustýrið samtykti einmælt at broyta ein part av verandi D-øki til eitt nýtt øki, sum kallast D3-øki, sum loyvir byggjan av goymslutangum.

Ásetingarnar fyri nýggja D3-økið eru hesar:

§ 5 Ásetingar fyri øki D3: (Goymslutangar)

a)      Øki verður lagt av til goymslutangar við harat tengdum bunkringarbúnaði og rakstrarbygningum v.m

b)      Útstykking kann bert fara fram eftir góðkendari ætlan fyri alt økið

c)       Hægst loyvda byggistig er 0,8

d)      Hægst loyvda nýslustig verður víst til byggistig og hæddarásetingar.

e)       Marknafrástøða verður at avráða við byggimyndugleikan.

f)        Eingin partur av byggingini má stinga hægri enn 20m upp um næst atliggjandi kaikant roknaður at liggja í kotu 2.0