Vaksandi ferðsla úr nýggjum býlingi á Strondum vekur stúran um ferðslutrygdina. Nú verður landsstýrismaðurin spurdur um eina nýggja rundkoyring.

Ein nýggj rundkoyring á Lághálsum á Strondum kann beina ferðsluna úr nýggja býlinginum við Hálsatjørn burtur frá húsum, har børn spæla.

Helgi Abrahamsen, løgtingsmaður, hevur nú sett Jacob Vestergaard, landsstýrismanni í vinnumálum, tríggjar skrivligar spurningar um ætlanina.

Fólkatalið á Strondum er vaksið nógv seinastu árini. Samstundis er ein nýggjur býlingur vaksin fram við Hálsatjørn.

Hóast býlingurin liggur nær landsvegnum, er eingin beinleiðis íbinding. Tí má øll ferðslan koyra ein umveg fram við nógvum húsum.

Ein íbinding hevði bæði stytt umvegin og bøtt um ferðslutrygdina, verður víst á í fyrispurninginum.

Sýnið vestureftir er avmarkað. Tí verður mett, at ein rundkoyring er neyðug.

Sjóvar kommuna hevur boðað frá, at hon er sinnað at brekka av eini høvd fyri at bøta um sýnið.

Helgi Abrahamsen vil nú vita, hvat rundkoyringin fer at kosta, og um landsstýrismaðurin vil virka fyri, at hon verður gjørd.

kelda: www.dimma.fo